Konfirmohen 3 kandidatët për deputetë të PD në Mallakastër

Janë konfirmuar Ish-deputeti Enkelejd Alibeaj, ish-kreu i bashkisë Agron Kapllani dhe Albert Avdulaj. Nga 930 anëtarë të kësaj dege votuan 60% .

Pas përfundimit të procesit të konsultimit me anëtarësinë, kandidatët e konfirmuar i nënshtrohen vlerësimit përfundimtar të Komisionit në fazën e tretë.

“Anëtarët e komisionit votojnë bazuar, kryesisht, në vlerësimin e performancës politike të kandidatit dhe mundësinë e maksimalizimit të votës. Pas këtij vlerësimi përfundimtar, lista me kandidatët që kalojnë fazën e tretë i dorëzohet për vendimmarje finale Kryesisë së Partisë Demokratike” sqaron PD-ja.

Ndërkohë që nga 500 anëtarë të degës së PD-së në Roskovec votuan 47% e tyre. Besnik Brahimaj, Diana Kociu, Almer Toska dhe Edmond Çepele janë kandidatët e zgjedhur nga Roskoveci.