Korçë/ Emigranti gjendet i pajetë në rrugë

Një person është gjetur i pajetë në rrugë mëngjesin e kësaj të enjteje rreth orës 06:40, në fshatin Drenovë të Korçës

Viktima rezulton të jetë një shtetas i huaj, rreth moshës 25-30 vjeç, ndërsa dyshohet se ka ardhur si emigrant nga vendet e treta.

Nga këqyrja paraprake e trupit të viktimës, nuk janë konstatuar shenja dhune dhe mendohet se mund të ketë humbur jetën për shkaqe natyrale.

Aktualisht po pritet ekspertiza mjekoligjore për të përcaktuar shkakun e vdekjes.

Ndërkohë, grupi hetimor vijon punën për sqarimin e plotë të rrethanave të ngjarjes.