Koronavirusi ndryshon edhe traditat në Shqipëri, vdes ish-futbollisti shqiptar, i biri: Na dërgoni SMS, ju mirëkuptojmë!

Ish-futbollisti i Dinamos, Namik Jareci, është ndarë sot nga jeta në moshën 78-vjeçare. Ai ka qenë edhe gjyqtar futbolli, pasuar nga i biri Sokol Jareci.

Ky i fundit sot ka reaguar në Facebook për humbjen e të atit, duke shkruar se i mirëkupton të afërmit dhe miqtë, të cilët nuk mund të bëjnë vizita për shkak të Coronavirus-it.

“Meqenëse jemi në një situatë të jashtëzakonshme, për të qenë korrekt me protokollin e kësaj situate, duhet të shmangim takimet dhe grumbullimet, prandaj ngushëllimet i presim edhe nëpërmjet SMS-ve”, shkruan Sokol Jareci.