Kosovë/ Autobusi del nga rruga dhe rrokulliset, plagosen 17 persona

Një aksident ka ndodhur pak pas mesnate në fshatin Shkrel të Rugovës.

Një autobus ka dalë nga rruga duke u rrokullisur, për pasojë janë të plagosur 17 persona.

Lajmi është konfirmuar nga zëdhënësi i policisë për rajonin e Pejës, Driton Rugova, i cili tha se të lënduarit janë dërguar në emergjencë për trajtim.

“Sot rreth orës 00:50, Policia është njoftuar për një vetaksident i cili ka ndodhur ne fshatin Shkrel-Rugovë, në këtë vetaksident ishte i përfshirë një autobus i cili ka dalë nga rruga dhe është rrokullisur. Si pasojë shtatëmbëdhjetë (17) persona kanë pësuar lëndime trupore, të njëjtit janë dërguar në emergjencën e Spitalit Rajonal në Pejë për tretman mjekësor, rasti është duke u hetuar nga Njësia e Trafikut Rajonal”, tha ai.