KOSOVE/VIDEO LIVE/ Shpërthim në një depo karburantesh, 4 të plagosur
Një shpërthim ka ndodhur në një depo karburantesh.
Ngjarja raportohet se ka ndodhur në Fushë Kosovë.
Siç edhe e shikoni në pamjet e drejtpërdrejta flakët vazhdojnë.
Policia e Kosovës thotë se 4 persona janë plagosur nga shpërthimi që ndodhi rreth orës 14:00 në një depo karburantesh në fshatin Miradi e Epërme të Fushë Kosovës.
Zëdhënësi i Policisë për rajonin e Prishtinës, Agron Borovci, tha për KALLXO.com se njësitet e policisë dhe zjarrfikësit kanë dalë në vendin e ngjarjes sapo e kanë marrë informatën për këtë incident.
“Deri më tani raportohet për 4 persona të lënduar”, tha Borovci.
Ai tha se Policia ka nisur evakuimin e personelit nga rreziku i përhapjes së zjarrit.
Keni një histori? Denonco anonimisht, identiteti juaj mbrohet.
Denonco
