KPK konfirmon në detyrë prokurorin e Beratit

KPK konfirmon në detyrë prokurorin Gentian Habazaj.

Komisioni i Pavarur i Kualifikimit ka konfirmuar në detyrë prokurorin e Beratit, Gentian Habazaj.

Trupa e KPK-së ku anëtarë ishin Genta Tafa Bungo, me relator Roland Ilian dhe anëtare Suela Zhegun morën unanimisht vendimin për Habazajn.

Habazaj sqaroi dyshimet në lidhje me një apartament në përdorim të marrë me të ardhurat e prindërve si dhe disa çështje profesionale.

Pas kësaj ai kërkoi konfirmimin e tij në detyrë si prokuror.

Habazaj e filloi karrierën e tij në prokurorinë e Durrësit dhe që nga viti 2010 e ushtron detyrën në prokurorinë e Beratit.