Komisioni Qendror i Zgjedhjeve do të marrë vendim sot, ora 12:00, për lënien ose jo të mandateve për 2 deputetët, Gledjon Rehovica i LSI dhe Aqif Rakipi i PDIU-së, pasi nga një verifikim i Prokurorisë së Përgjithshme kanë rezultuar të kenë kryer vepra penale si ajo e vjedhjes dhe nuk e kanë deklaruar në formularin e dekriminalizimit.

Po ashtu, KQZ do të shqyrtojë fatin e funksionarëve publikë, Eduard Kapri, kryebashkiak i Pogradecit, Mhill Fufi, ish-deputet dhe Omer Mano, ish-deputet.

Në rendin e ditës, konkretisht është shqyrtimi i projekt vendimeve:

1. Për shqyrtimin e rezultatit të verifikimit të Prokurorisë së Përgjithshme për funksionarin publik z.Gledjon Rehovica, deputet i Kuvendit të Shqipërisë, në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.

2. Për shqyrtimin e rezultatit të verifikimit të Prokurorisë së Përgjithshme për funksionarin publik z.Aqif Rakipi, deputet i Kuvendit të Shqipërisë, në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.

3. Për shqyrtimin e rezultatit të verifikimit të Prokurorisë së Përgjithshme për funksionarin publik z.Eduart Kapri, Kryetar i Bashkisë Pogradec, në zbatim të ligjit nr. 138/2015 “Për garantimin e integriteti t të personave që zgjidhen, emërohen ose ushtrojnë funksione publike”.

4. Për shqyrtimin e rezultatit të verifikimit të Prokurorisë së Përgjithshme për funksionarin publik z.Mhill Fufi, ish-deputet i Kuvendit të Shqipërisë, në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.

5. Për shqyrtimin e rezultatit të verifikimit të Prokurorisë së Përgjithshme për funksionarin publik z.Omer Mamo, ish- deputet i Kuvendit të Shqipërisë, në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.