Kreshnik Bajraktari emërohet drejtor i ri i Portit të Durrësit

Kreshnik Bajraktari emërohet drejtor i ri i Portit të Durrësit, pasi Pirro Vëngu ka marrë postin e ministrit të ri të Mbrojtjes pas ndryshimeve në qeveri të bëra publike nga kryeministri Edi Rama në Kongresin e PS

Kreshnik Bajraktari është drejtori i ri i portit të Durrësit.

Ai zëvendëson në këtë detyrë ish-drejtorin Pirro Vengu.

Ky i fundit, nga kjo e martë do të jetë ministri i ri i Mbrojtjes, pas ndryshimeve në qeveri të bëra të ditura nga kryeministri Rama në Kongresin e Partisë Socaliste.

Drejtori i ri i portit deri më tani ka mbajtur detyrën e këshilltarit pranë ministrisë së Energjisë dhe Infrastrukturës.

Ai ka mbaruar studimet e larta në universitetin Politeknik të Tiranës dhe është me origjinë nga Kukësi.

Emërimi i tij u bë ditën kur u hap gara ndërkombëtare për ndërtimin e portit të ri në Porto Romano.