Kreu i Urgjencës Kombëtare Brataj nuk u beson studimeve të fundit..

Sipas tij, me kampionimin e zgjedhur, ai as nuk mund të jetë studim, e për rrjedhojë të dhënat nuk mund të merren në konsideratë.

“U tha nga Akademia e Shkencave 50% imunizim, po se ku u bë, me çfarë metodologjie dhe kush e kontrolloi nga ana shkencore?! Me sa di, janë 800 persona që u testuan dhe nuk mund të quhet studim dhe as bën një tregues për popullsinë”, deklaron Brataj duke shtuar se në optikën e tij, imunizimi nuk është më shumë se 20-25%.

Sidoqoftë, inkurajon qytetarët, veçanërisht të rinjtë, të mos e ulin vigjilencën tani në fund, pasi masat po japin rezultat, i bindur se vendi nuk do të përballet me shifra më të rënda se sa ato që kaluan.