Krim në familje/ Babai vret djalin 5-vjeçar

Një ngjarje e rëndë është regjistruar në Ankona të Italisë, pasi një djalë 5-vjeçar është gjetur i vdekur në banesën e tij.

Nga të dhënat paraprake, sikurse raportojnë mediet vendase italiane, dyshohet se vogëlushi është vrarë nga babai i tij, një 24-vjeçar nga Maqedonia, i fundit ky që dyshohet se vuan nga problemet e shëndetit mendor.

Nëna e fëmijës, e cila është edhe shtatëzënë, arriti të shpëtonte, ndërsa ndodhet në gjendje shoku pas ngjarjes së rëndë.

Edhe pse ndihma e shpejtë shkoi menjëherë në vendin e ngjarjes, fëmija u gjet i pajete përtokë, ndërsa përpjekjet për ta risjellë në jetë vijuan për më shumë se 40 minuta, por rezultuan të pasuksesshme.

Nga kontrolli i ushtruar në banesë nga autoritetet rezulton se nuk janë konstatuar shenja gjaku.

Aktualisht policia italiane po heton lidhur me zbardhjen e plot të shkaqeve të ngjarjes, ndërsa maqedonasi është shoqëruar dhe po merret në pyetje.