Foto/ Krimi palestinez në Tiranë, hetuesit dyshojnë se Fadi Alwan e planifikoi vrasjen e gruas

Policia po hedh dritë mbi vrasjen e gruas palestineze në Tiranë nga bashkëshorti i saj i cili u arratis nga Shqipëria menjëherë pas krimit.

Në foto shihet që Ryyan Alwan dhe partneri i saj, Fadi Alwan mbërrijnë në Rinas më 19 shkurt.

Në vijim të veprimeve, Policia bëri të mundur edhe identifikimin e viktimës, shtetases Ryyan Alwan 24 vjeçe, e cila, së bashku me bashkëshortin e saj, shtetasin Fadi Alwan 49 vjeç, rezultojnë të jenë shtetas palestinezë dhe kishin marrë me qira apartamentin ku ndodhi ngjarja.

Nga të dhënat e deritanishme hetimore, dyshohet se autori i ngjarjes është larguar menjëherë jashtë territorit të Shqipërisë, pas kryerjes së krimit, i cili dyshohet të ketë ndodhur disa ditë më parë.

Çifti Fadi Alwan dhe gruaja e tii Rayyan Alwan kanë hyrë në Shqipëri përmes pikës kalimit kufitar të Rinasit me dokumenta greke. Ata kanë shkuar në shtëpinë e marrë më qira në rrugën Gjon Muzaka. Mendohet që gruaja është vrarë në mes datave 19-22 shkurt. Pasi më datë 22 bashkëshorti i saj I shpallur tashmë në kërkim është larguar nga vendi po permes Rinasit. Fakti që ai ka marrë dokumentat, celularët, ka pastruar vendin e krimit dhe ndërkohë në Rinas kanë hyrë më dokumenta greke, ngre dyshime për hetuesit se Fadi Alwan e ka planifikuar vrasjen e gruas. Motivi mbetet ende i paqartë, pasi hetuesit nuk dine asnjë detaj rreth të shkuarës së tyre, veç faktit që çifti palestinez vinte nga Gjermania.