Kryebashkiaku i Bulqizës dëshmon në SPAK: E ka në dorë drejtësia

Gazetari Artan Hoxha, që publikoi edhe videon e kryebashkiakut të Bulqizës, Lefter Alla duke pirë kokainë ka dorëzuar provat tek SPAK.

Për mediat, Hoxha tha se i kishte dhënë SPAK të gjithë  informacionin e nevojshëm për të zbardhur çështjen dhe mënyrën se si kishte siguruar videon.

“Çdo pyetje që e patën prokurorët pata përgjigjen time. Duke qenë se kam qënë një nga mbështetësit e SPAK kam shpresë së kjo çështje do të shkohet deri në fund. Pashë interes për ta zbardhur çështjen. Çfarë u duhej ua vura në dispozicion. Unë u pyeta dhe dhashë gjithë informacionin që i duhej SPAK-ut. Paraqita mënyrën sesi mora videon”, tha Hoxha.

Një ditë pas publikimit të videos së një personi duke pirë kokainë, ku thuhet se është kryetari i Bashkisë së Bulqizës, Lefter Alla, ky i fundit ka dhënë deklarimet e tij për rreth një orë në SPAK.

Pas daljes nga prokuroria, Alla nuk komentoi për mediat, ndërsa the vetëm se e ka në dorë drejtësia. ” E ka në dorë drejtësia. Nuk kam asnjë koment”, u shpreh ai.

Ndërsa avokati i tij, Petrit Ismaili, u shpreh se video është montazh dhe se video nuk duket qartë.

Çfarë tha zoti Alla në deklarim?

Avokati: Nuk dha asnjë deklarim.

ok Çfarë pritet të ndodhi?

Avokati: Pritet të zbardhet. Absolutisht nuk e pranon, por që do sqarohemi.

I qëndron zoti Alla deklarimeve të tij sa i takon videos si videomontazh?

Avokati: Në atë moztazh video nuk duket qartë, kështu nuk kemi fare çfarë të deklarojmë.

Duhet të japi dorëheqjen për postin e tij?

Alla: Nuk ka lidhje. Prokuroria po heton.