Kryemadhi: Qeveria u hoqi naftëtarëve bukën e fëmijëve

Teksa ka shpërndarë disa karta anëtarësie të rinjve, Kryemadhi i bëri thirrje strukturave që të takohen me qytetarët, të bisedojnë me ta dhe të kuptojnë, e të përpiqen të zgjidhin hallet e tyre.Kryemadhi nuk la pa përmendur edhe grevën e urisë të naftëtarëve, që prej tre ditësh, duke theksuar se qeveria po u merr bukën e fëmijëve.

“Greva e tyre nuk ka të bëjë me çështje që ka të bëjë me ngrohjen globale, por me mungesën prej 27 muaj të grabitjes së pagave të tyre. Ato paga janë buka e fëmijëve të tyre. Nëse ne nuk do jemi dhe nuk do të diskutojmë me njerëzit hallet e tyre, shqiptarët nuk do të kenë asnjë mundësi tjetër dhe do shkojnë drejt largimit nga Shqipëria.

Ju bëj thirrje ju strukturave të LSI-së këtu në Fier që të mos ndaloni në asnjë moment, por të jeni çdo ditë në kontakt me njerëzit, të takoheni, jo në takime të mëdha, por edhe të uleni me ta e të kuptoni hallet e tyre.

Të bisedojmë me bashkëqytetarët për të thënë që ne jemi të gatshëm të marrim përgjegjësi dhe drejtimin tonë”, tha Kryemadhi.