Kryeministri Rama ka vajtur me atlete dhe makinë të blinduar në takimin me homologun e tij malazez, Markoviç në Shkodër.

Kryeministri Edi Rama ditën e sotme po zhvillon një takim në Shkodër, me delegacionin e Malit të Zi. takimi mes dy qeverive do të zhvillohet në ambientet e fototekës “Marubi”.

Ashtu siç ndodh zakonisht, në një kohë kur në vend kemi ngjarje më të rëndësishme dhe qeveria numëron një mal me probleme, duke nisur nga çështja e vdekjes së shoferit të Ministrit të Brendshëm Fatmir Xhafaj, projektligji për shembjen e Teatrit Kombëtar dhe marrëveshja për detin me Greqinë, Rama u vesh me atlete.

Zakonisht, në kohë fushatë ose raste kur nevojitet zhvendosja e vëmendjes së mediave, Rama luan me veshjet e tij.

Por një qytetar i ka komentuar: “Ah more zoti kryeministër, si e keni katandisur këtë vend kështu, bashkë me ato të përzgjedhurit e tu”.

Nuk dihet se si do ta presë kryeministri këtë koment të qytetarit, por shpresojmë se nuk do shpërthejë në të shara, siç bëri në qershor me qytetarin Fabian Pinderi i cili guxoi t’i shkruante mesazh duke e quajtur hajdut.

Kryeministri Rama ka vajtur me makinë të blinduar në takimin me homologun e tij malazez, Markoviç në Shkodër.

Kreu i qeverisë i shoqëruar nga pëërfaqësues të tjerë zyrtarë ka zhvilluar paraditen e sotme një takim me delegacionin e vendit fqinj në qytetin e Shkodrës.

Ajo që të bie në sy është se Rama ka përdorur një fuoristradë të blinduar për të udhëtuar, ndryshe nga takimet e tjera nëpër vend në dëgjesat publike me qytetarët shqiptarë.