Kryeministri Rama njofton bashkëbisedim me fermerët për paketën e ‘krizës’

Ndërkohë që qytetarët kanë thirrur protestën e radhës komnëtare këtë të shtunë në orën 11.00 paradite, kryeministri Edi Rama njofton në po të njëjtin orar për një bashkëbisedim me fermerët, për masat e ndërmarra nga qeveria nëpërmjet Paketës së Rezistencës Sociale.

Protestuesit kanë nisur të mblidhen në Sheshin Skënderbej në kryeqytet.
Ata pritet të marshojnë drejt Kryeministrisë për të mbajtur fjalimet dhe për të shpalosur kërkesat e tyre.

Protestuesit dje paraqitën pesë pika për të cilat thanë se presin reagim nga qeveria, në të kundërt do të përshkallëzojn reagimin e tyre.