Kryeministrin Rama e pret në aeroportin e Prishtinës vetëm Qemal Minxhozi

Kryeministri Edi Rama ka mbërritur këtë pasdite në aeroportin e Prishtinës.

Rama është pritur në aeroport vetëm nga ambasadori i Shqipërisë në Kosovë, Qemal Minxhozi.

Kryeministri ka shkuar në zyrën e presidentes së Kosovës, Vjosa Osmanit. Më pas, ai pritet të takojë edhe kryetarin e Kuvendit, Glauk Konjufcën.

Kjo vizitë e Ramës në Prishtinë po zhvillohet në kuadër të turit Ballkanik. Ishte planifikuar që kreu i qeverisë të takohej me homologun, Albin Kurti, por ky i fundit refuzoi.

Takimet në Kosovë vijnë në një kohë konflikti mes Beogradit dhe Prishtinës, ku Rama ka ndërhyrë me një propozim.

Kreu i qeverisë shqiptare ka hedhur idenë e një konference ndërkombëtare për Kosovën dhe Serbinë, si një zgjidhje për tensionet mes dy shteteve, propozim ky që është refuzuar nga Albin Kurti