Ku u fsheh opozita në protestën e sotme në Thumanë-Kashar?

Vetëm pak momente më parë banorët e zonave të Fushë-Krujës, Krujës, Thumanës etj si the të bizneseve të zonës, protestuan duke bllokuar rrugën e koalicionit me bazë të gjerë në aksin Thumanë-Kashar.

Pati madje edhe një moment konflikti mes policisë dhe qytetarëve. Ngjarja u pasqyrua direkt nga Joq Albania gjatë gjithë momentit të zhvillimit të saj. Por gjatë raportimit nga terreni të gazetarëve si dhe nga pamjet e filmuara live, u vu re se asnjë nga anëtarët kryesorë të opozitës nuk ishte i pranishëm në këtë protestë.

Pavarësisht se dalin përditë në TV duke akuzuar palën në pushtet se po vjedh shqiptarët, çuditërisht gjatë protestës së sotme nuk u panë askund. Përveç tek-tuk ndonjë pjesëtari periferik e pa peshë politike, askush nga “kokat” e mëdha të opozitës nuk u vu re.

Pyetja që shtrohet është e thjeshtë: Sa lekë është paguar opozita nga Bashkim Ulaj? Natyrisht që pjesa teknike e përgjigjes është çështje shifrash, ndërsa përgjigja thelbësore është që koalicioni me bazë të gjerë po funksionon më së miri.