Kujdes me parfumet, mund ta pësoni shumë rëndë

Mjekja Matina Çobo ka dhënë një paralajmërim të rëndësishëm në lidhje me përdorimin e parfumeve dhe ndikimin e tyre në shëndet, teksa ishte e ftuar në emisionin “Vila 24”.

Sipas saj, hedhja e parfumit në zonën e gushës, një zakon i zakonshëm për shumë persona, mund të jetë e dëmshme për ata që vuajnë nga probleme hormonale, me tiroiden apo sëmundje autoimune.

“Një nga zakonet tona është të hedhim parfum në zonën e gushës, por për njerëzit që kanë probleme hormonale, me tiroiden apo probleme autoimune, kjo zonë duhet shmangur. Veçanërisht tiroidja ka aftësinë të përthithë metalet e rënda më shumë, ndaj është më mirë ta evitojmë këtë pjesë, pasi edhe parfumet përmbajnë përbërës kimikë dhe sintetikë, të prodhuar në mënyrë industriale,” – tha mjekja Çobo.

Ajo theksoi se aromat nuk janë të ndaluara, por duhen përdorur me kujdes, duke shmangur kontaktin e drejtpërdrejtë me lëkurën në zona të ndjeshme, veçanërisht aty ku ndodhen gjëndra hormonale si tiroidja.