Kundërshtoi punonjësit e policisë, arrestohet 33-vjeçari në Ballsh

Policia ka arrestuar sot shtetasin me iniciale D.Z., 33-vjeç, pasi mësohet se ka kundërshtoi punonjësit e policisë për të mos i vendosur masë administrative vëllait të tij. Ky i fundit mësohet se ka shkelur rregullat e qarkullimit rrugor.

Policia:

Kundërshtoi dhe pengoi punonjësit e Policisë së Patrullës së Përgjithshme për të mos i vendosur masë administrative vëllait të tij, i cili u konstatua në shkelje të sinjalistikës rrugore, vihet në pranga 33-vjeçari. Specialistët për Hetimin e Krimeve të Komisariatit të Policisë Mallakastër arrestuan në flagrancë shtetasin D. Z., 33 vjeç, banues në Ballsh, pasi ka kundërshtuar dhe ka tentuar të pengojë punonjësit e Patrullës së Përgjithshme të Komisariatit të Policisë Mallakastër, të cilët, në përmbushje të detyrave funksionale, ishin duke ndëshkuar me masë administrative vëllain e 33-vjeçarit, për shkelje të sinjalistikës rrugore.