Kur kuptova që kisha bërë gabimin ishte vonë….

“Kur kuptova që kisha bërë gabimin ishte vonë, prandaj mendohuni para se të kryeni një vepër penale”, këto janë fjalët e 16 vjecarit që vuan dënimin në ambientet e institutin e të Miturve në  Kavajë. Aldo rrëfen se vuajtja e një dënimi për një të mitur përvec privimit të lirisë, në moshë të hershme i rrënjos atij në karakter përjetime negative që do e ndjekin gjatë gjithë jetës së tij. mesazhi i tij është për të gjithë bashkoshatarët që të kujdesen për vetem që të rriten pranë gjirit të familjes, si alternativa më e mirë për tu bërë njeri i denjë i shoqërisë.

Me rastin e festave të fundvitit në ambientet e Institutit të Miturve në Kavajë, u zhvilluan altivitete sensibilizuese për minorenët që vuajnë dënimin për vepra të lehta penale, ku mori pjesë Ministrja e Drejtesisë Etilda Gjonaj. Ajo u shpreh se masa e fundit që duhet të zbatohet për minorenët është heqja e lirisë, ndaj Ministria e Drejtësisë po punon për lehtësimin e dënimit ndaj minorenëve.

Janë rreth 100 të mitur nga i gjithë vendi që vuajnë dënimin në Institutin e të Miturve në Kavajë. Ky institucion shërben si qendër  rehabilitimi, këshillimi dhe shkolle për të miturit. Në këtë institut, trajtohen minorenë të cilët kanë kryer vepra të ndryshme penale. Mosha e të miturve që vuajnë dënimin është nga 14-18 vjeç.( Elitjona Doko/Fax News)