Kurti viziton të plagosurit në Kroaci: Ditë e rëndë për ne

Në një deklaratë për mediat, ai thotë se një pjesë e mirë e pasagjerëve kanë qenë në gjumë gjatë momentit të aksidentit.

Kreu i qeverisë së Kosovës, u ka shprehur ngushëllime familjarëve të viktimave si dhe ka mbështetur familjet e të plagosurve.

“Kjo është një ditë shumë e rëndë, me dhembje e pikëllim për gjithë popullin tonë”, ka thënë Kurti në një konferencë për media nga spitali në Sllavonski Brod.

“Kjo fatkeqësi, kjo tragjedi është tejet e rëndë për neve”, ka thënë Kurti, mirëpo ka theksuar se në bashkëpunim me autoritetet kroate besojnë se do t’ia dalin më shpejt.

Ai ka falënderuar homologun e tij kroat, Andrej Plenkoviq për bashkëpunimin në këtë rast dhe ndihmën që u kanë ofruar autoritetet të plagosurve në këtë aksident.

Kurti ka thënë se ka vizituar të gjithë personat në spital, përfshirë dy persona që janë në kujdes intensiv.