Kush e nxori në pritë shefin e Antidrogës në Ulqin?

Para pak ditësh u njoftua se autoritetet malazeze kanë gjetur trupin e pajetë të shefit të Antidrogës, Rudolf Elezoviç. Autopsia tregoi se ai ishte vrarë me një plumb në kokë, por në vendngjarje nuk është gjetur asnjë armë dhe kjo shton edhe më shumë dyshimet mbi vdekjen e tij. Familjarët e Elezovic kanë treguar se ai e kishte lënë armën e shërbimit në shtëpi dhe kishte dalë të takonte një person të panjohur për familjarët, të cilëve u ka thënë se do të shkonte në Shkodër e do të kthehej shpejt.

Por ka gjasa që ky të ketë qenë një kurth. Pasi ai ka humbur kontaktet me familjen e tij që me 27 maj dhe ishte bashkëshortja e tij Marina ajo që denoncoi zhdukjen e tij. Mësohet se kohët e fundit Elezoviç kishte punuar në sektorin e anti-trafikut në Policinë Kufitare të Malit të Zi dhe kishte hetuar trafikun dhe goditjen ndaj trafikantëve në të dyja anët e kufirit në bazë të marrëveshjes dypalëshe. Autoritetet malazeze nisën menjëherë hetimet duke kërkuar bashkëpunim dhe mbështetje edhe nga autoritetet shqiptare

Më shumë nga Lajme

Zëri yt bëhet lajm.