Kush është djali misterioz? Egli Tako në një romancë të re

Jeta private e Egli Takos vijon të ngjallë interes të madh. Pas përfundimit të raportit të saj të shumëpërfolur me Gjestin, këngëtarja është parë së fundmi në shoqërinë e një mashkulli misterioz, duke nxitur spekulime për një lidhje të re.

Në disa postime të shpërndara në rrjetet sociale, Egli është parë e shoqëruar nga ky person, megjithatë këngëtarja ka zgjedhur të qëndrojë diskrete, duke mos ndarë asnjë detaj në lidhje me jetën e saj sentimentale. Vetëm pak ditë më parë, ajo publikoi disa foto me buqeta lulesh që i kishin mbërritur në vendin e punës, duke i atribuar ato “fansave”. Megjithatë, shumë prej ndjekësve aluduan se ndonjëra prej tyre mund të ishte edhe nga një partner i ri.

E ftuar në “The Dalina Show”, Egli foli për herë të parë hapur për raportin me Gjestin, duke theksuar se lidhja e tyre nuk ka qenë asnjëherë romantike, por një shoqëri e krijuar brenda rrethanave të veçanta të një reality show. Ajo u shpreh:

“Nuk ka qenë dashuri. Ka qenë një afeksion i momentit, në një hapësirë ku gjithçka ndjehet më e fortë. Sot, e kujtoj thjesht si një mik të asaj kohe.”

Egli shtoi se aktualisht është e përqendruar tek vetja dhe karriera, duke lënë pas çdo “deluzion emocional”.

Por, duke parë lëvizjet e fundit në rrjete sociale dhe praninë e një figure të re pranë saj, fansat nuk janë të bindur që Egli është ende beqare.