Kush është i riu që kishte fshehur mbi 35 mije paund në kroskot

Mësohet se personi i ndaluar është shtetasi me inicialet A.Ç, kadidatë i Partisë Social Demokrate për anëtar i Këshillit Bashkiak të Tiranës dhe shtetasi tjetër që ishte bashkë me të në makinë, Algert Lloçi. Gazetari Aldo Kozarja ka thënë se ka qenë fillimisht patrulla e policisë rrugore që iu ka bërë shenjë të rinjve të ndalojnë dhe menjëherë pas tyre kanë ardhur 11 mjete të tjera që kanë bërë të mundur bllokimin e mjetit.

Duke patur parasysh numrin e lartë të mjeteve që janë përfshirë në operacion, dyshohet se ai ka qenë i planifikuar në bazë të informacioneve në rrugë operative. Mjeti është ndaluar në hyrje të atuostradës Elbasan-Tiranë, me drejtim kryeqytetin, raporton newsbomb.al.

Paraprakisht bëhet me dije se mjeti është në pronësi të shtetasit me inicialet A.Ç, i cili është shoqëruar në Komisariat bashkë me personin tjetër. Mjeti luksoz me targa AA 666 YL është bllokuar dhe pritet që Policia e Elbasanit të dalë me njoftim zyrtar për rastin.