Kush është kancelari i dënuar,ndryshoi edhe mbiemrin?

Artan Dragani, i cili aktualisht mban postin e kancelarit të gjykatës së shkallës së parë ne Shkoder, rezluton te jete denuar për veprën penale të parashikuar nga neni 290/1 i K.Penal, pasi ka aksidentuar per vdekje nje grua.

Por nga hetimet e kryera nga Ministria e Drejtesise, ka rezultuar se Gjykata e Rrethit Gjyqësor Shkodër, në shkelje të ligjit, nuk ka përcjellë pranë Drejtorisë së Përgjithshme të Burgjeve shkurtimin e vendimit penal të formës së prerë për dënimin e Artan Draganit, aktualisht kancelar i Gjykatës së Rrethit Gjyqësor Shkodër.

Për pasojë, në Regjistrin e Gjendjes Gjyqësore, ky shtetas rezulton në mënyrë të paligjshme si i padënuar nga gjykatat penale shqiptare.

Nga ana tjetër mësohet se në atë kohë kancelari quhej Artan Dragani ndërsa tani ka një ndryshim tek mbiemri në Artan Dragoni.

Sakaq, Ministrja e Drejtësisë Etilda Gjonaj i është drejtuar që me 21 dhjetor kryetarit të gjykatës së rrethit gjyqësor në Shkodër Arben Zefi lidhur me mosdërgimin e vendimit të shkurtuar penal të formës së prerë për dënimin e shtetasit Artan Dragani. Sot Gjonaj kërkoi hetim disiplinor për kryetarin e Gjykatës së Shkodrës, lidhur me kete ceshtje.