Kush është shqiptari që mbyti gruan në sy të fëmijëve?

Tragjedi në familjen shqiptare në Itali!

Lulzim Toci është 30-vjeçari shqiptar që në kulmin e një debati familjar mbyti bashkëshorten në sy të fëmijëve të mitur, 4 dhe 6-vjeç.

Ai u dërgua në Komisariat në pritje të hetimeve rreth ngjarjes së rëndë. Lulzimi ishte një punëtor bujqësie, ndërsa viktima Eleonora Toci, 24-vjeçe  nuk punonte.

Raportohet se 30-vjeçari, punëtor në bujqësi, ishte në gjendje konfuze para banesës, kur karabinierët mësynë rreth orës 5:00 në apartament. Aty u gjet trupi i pajetë i amvisës 24-vjeçares Eleonora Toçi, si dhe dy fëmijët e çiftit.

Lulzim Toçi është shoqëruar nga policia, ndërsa hetimet vijojnë për zbardhjen e rrethanave të ngjarjes. Ndaj tij është ngritur akuza për vrasje të rëndë me dashje.

Fëmijët ndërkohë janë marrë nën përkujdese nga shërbimet sociale lokale.