Kush ua tha?! Londrimi fitues i BBVK, banorët e dinkan ‘sekretin’

Një moment intrigues ka ndodhur së fundmi në Big Brother VIP Albania 5, ku dy banorë duket se morën informacion nga jashtë për një tjetër edicion të formatit.

Bëhet fjalë për Brikenën dhe Shëndritin, të cilët gjatë një bisede përmendën emrin e Londrim Mekaj, duke lënë të kuptohet se dinin se ai kishte fituar edicionin e katërt të Big Brother VIP Kosova. Brikena tha se ishte shumë e gëzuar për lajmin, ndërsa Shëndriti shtoi me entuziazëm urimet e tij për fituesin.

Ky moment ka ngjallur dyshime te publiku, pasi banorët nuk kanë kontakt me botën e jashtme gjatë qëndrimit në shtëpi.

Një nga hipotezat është se informacioni mund të jetë përçuar indirekt nga produksioni, por nuk ka ende konfirmim zyrtar për mënyrën se si ata e mësuan rezultatin. Kjo situatë ka shkaktuar diskutime të gjera mes fansave të reality show-t.