Kushtetuesja/Këshilli i Emërimeve në Drejtësi nuk komenton mandatin e Elsa Toskës

Këshilli i Emërimeve në Drejtësi vendos të mos japë asnjë koment apo opinion Kuvendit lidhur me kohëzgjatjen e mandatit të gjyqtares Kushtetuese Elsa Toska.
“Në kuadër të bashkëpunimit ndërinstitucional, KED diskutoi mbi përmbajtjen e pikës së dytë të rendit të ditës. Anëtarët diskutuan dhe ndanë mendimet e tyre, ku në shumicë konkluduan se nuk e çmojnë të përshtatshme t’i drejtohen me një opinion organit të emërtesës, Kuvendit të Republikës së Shqipërisë”, njoftoi KED.
Vakanca
Në shpalljen e vakancës nga Kuvendi, Elisa Spiropali ka shkelur Kushtetutën duke e shtyrë mandatin nga viti 2025 në vitin 2028.
Deri më sot nuk ka pasur asnjë reagim nga qeveria apo parlamenti për këtë shkelje. Ndërkohë, që pritej mbledhja e sotme e KED, por edhe kjo e fundit “lau duart” duke mos dhënë vendimarrje.