Kuvendi i Shqipërisë hap dyert për qytetarët

Kuvendi i Shqipërisë ka vendosur të hapë dyert për qytetarët. Vendimi për këtë është marrë me rastin e festave të 28 dhe 29 nëntorit, për çka do të lejohet që nga ora 10:00 deri në orën 14:00, qytetarët në kuadër të aktivitetit “Dyert e Hapura”, do të mund të vizitojnë sallën e seancave plenare.

Ky aktivitet do të zhvillohet për dy ditë, ku dyert e sallës së seancës plenare do të jenë të hapura për qytetarët të cilët mund të vizitojnë nga afër ambientet ku zhvillohen punimet e Kuvendit në seancë plenare.