Laç, tender 3.16 milion lekë për të ruajtur spitalin jashtë funksioni

Është garuar për të ruajtur spitalin e Laçit i cili ka dalë jashtë funksioni që prej 26 nëntorit. Ndonëse nuk është në punë, drejtoria ka hapur një tender dhe nga fundi i Janarit ka shpallur edhe ofertuesin fitues që do të ruaj këtë objekt. Fituese është shpallur kompania “Nazeri 2000” e njohur si kompania që goditet nga bandat e armatosura ditën për diell, ku ka dorëzuar miliona Euro.

Referuar shkresës shpalljes mësohet se Drejtoria e Shërbimit Spitalor, Kurbin, ka njoftuar nëpërmjet një dokumenti që me datë 24 janar të këtij viti fituesin e tenderit për ruajtjen fizike të këtyre ambienteve.  Sipas dokumentit që tregon mbi këtë tenderim, shikohet se në garë kanë marrë pjesë dy operatorë, njëri nga Tirana dhe tjetri nga Laçi. “Nazeri 2000” dhe “Guard&Rica” ishin dy kompanitë garuese dhe sipas të dhënave fituese është konkretisht kompania nga Tirana, kompania së cilës iu grabit shifra prej 10 milion eurosh në aeroportin e Rinasit, fituesi.

Vlera mësohet se është 3.16 milion lekë ndërkohë që në atë spital nuk qëndron askush për shkak se ka dalë jashtë funksioni pas tërmetit. Në dokument nuk bëhet fjalë se përse është skualifikuar kompania “Guard&Rica” por mësohet se tashmë spitali është në duar të sigurta.