Mosdekretimi i Lleshit ministër, takim Meta-Rama në Presidencë

Një ditë pas mos dekretimit të Sandër Lleshit si ministër i Brendshëm, Kryeministri Edi Rama dhe President i Republikës, Ilir Meta, do të zhvillojnë një takim në ambientet e Presidencës.

Kryeministri Edi Rama një ditë më parë ka kërkuar nga deputetët e tij të mos komentojnë asnjë vendim të presidentit, duke dhënë mesazhin se politika është si “loja e shahut”, pra me strategji.

Nuk dihet se cila është strategjia e Kryeministrit në këtë rast, por një ditë më parë burime të  sigurta konfirmuan se Edi Rama, nuk ka ndërmend të tërhiqet nga emri i Sandër Lleshajt.

Sipas të njëjtave burime mësohet se “plani B” i  qeverisë është për ta dekretuar këtë dikaster, duke emëruar Sandër Lleshajn si zv.ministër i Punëve të Brendshme, por duke i dhënë atribute drejtuese.