LAJM I FUNDIT/ Ndërron jetë aktori i njohur Fadil Hasa

Ka ndërruar jetën ditën e sotme aktori i njohur i humorit shqiptar Fadil Hasa. Sipas News24, Hasa ka ndërruar jetë pas një sëmundje të rëndë

Fadil Hasa për një periudhë të gjatë kohe vuante nga një sëmundje e rëndë dhe sot në mëngjes ai ndërroi jetë.

Hasa do të mbahet mend gjatë në memorien e publikut dhe artdashësve, pasi ai ka sjellë në ekran dhe teatër qindra role.

Aktori i njohur Fadil Hasa ka marrë dhe shumë çmime dhe nderime për punën e gjatë të tij në film dhe teatër.

Ai mbante mbi supe çmimin “Artisti i Merituar” dhe është katër herë fitues i çmimit “Aktori më i mirë i humorit”.