Lajme të këqija nga Fronti i Perëndimit

Gjasat janë që rritja ekonomike në bllokun e Euros të ketë rënë nga 3.5 për qind në fund të vitit të kaluar ne 1.5 për qind në muajt e parë të këtij viti dhe me tej akoma në 1.2 për qind në Prill. Të gjitha ekonomitë po bien me radhë njëra pas tjetrës. Gjermania, Franca, Spanja.

Ngadalësimi i shpejtë i Eurozonës i ka kapur të gjithë të papërgatitur. Deri tani Banka Qendrore Europiane ka mbajtur skenarin se rimëkëmbja ekonomike e zonës Euros do të vazhdojë të jetë e fortë edhe gjate vitit 2018, ashtu si vitin e kaluar

Por të dhënat e fundit mbi shitjet, prodhimin industrial dhe treguesit e ndjesisë nëpër tregjet e BE-se sugjerojnë se aktiviteti ekonomik ka pësuar një ngadalësim të fortë.

Ky është lajm shumë i keq për Shqipërinë.
Studimet empirike tregojnë se për cdo 1 për qind rritje ekonomike në Eurozonë, Shqipëria perfiton 0.5 për qind rritje ekonomike shtesë.

Nëse Eurozona rritet me 4 per qind, rritja jonë ekonomike vetëm si pasojë e kësaj shtohet me 2 për qind. Kur Eurozona ngadalëson nga 4 per qind në 1 për qind, rritja ekonomike e Shqipërisë humbet 1.5 per qind.

Në raportin e fundit për ekonominë shqiptare, banka Boterore listoi ngadalësimin e Eurozones si riskun me te madh. Edhe FMN po ashtu liston ngadalësimin e Eurozonës si riskun më të madh të ekonomisë.

Shpresa e vetme është që ngadalësimi i Eurozonës në muajt e fundit të jetë i përkohshëm dhe aktiviteti ekonomik të fitoje terren gjatë muajve në vijim.

Ndaj është ende shpejt për të thënë se makthi ynë me i keq ka filluar të vërtetohet. Por sirenat e alarmit kanë filluar të bien.