Largimi me forcë i Berishës nga foltorja e Kuvendit, Manjani: Garda ka kryer vepër penale

Për ish-ministrin e drejtësisë Ylli Manjani largimi i Ish-kryeministrit Berisha me forcë nga foltorja e Kuvendit gjatë seancës së sotme nga ana e gardës përbën vepër penale.

Ai tha se nëse Prokurorja e Përgjithshme e Përkohshme, do të bëjë detyrën e saj, ajo duhet ta fillojë me arrestimin e personit që ka dhënë urdhërin për të ndaluar një deputet të mbajë fjalën e tij.

I ftuar në studion e emisionit “Opinion”, Manjani tha ndërprerja e fjalës së Berishës, është një puç i fjalës së lirë.

“Garda ka dalë mbi kryetarin e Kuvendit, pa marrë urdhër nga ai. Kjo është një vepër penale”, tha ai.