Lefter Maliqi sherr gjatë rinumërimit të votave: Kam filmuar kryetarin e KZAZ në sallë, nuk kishte autorizim

Kandidati i koalicionit “Bashkë Fitojmë” për bashkinë e Kuçovës, Lefter Maliqi ka ndjekur nga afër procesin e rinumërimit të votave në këtë bashki pas vendimit të Kolegjit Zgjedhor.

Maliqi deklaroi se ka marrë si provë gjatë mbikëqyrjes së procesit, pamjet e kryetarit të KZAZ që ka qenë i pranishëm në sallë pa autorizimin e Kolegjit.

“Këtu nuk bëhet fjale për mua. Lefter Maliqi ka qenë gjithmonë i pastër. Kam mbështetjen popullore. Kuçova është e majtë. Prej 33 vitesh drejtohet nga Partia Socialiste.

Teksa pritet të nisë rinumërimi i 18 kutive të Kuçovës, Lefter Maliqi është përplasur me përfaqësuesin e KQZ, Ylli Merkaj. Si pasojë është ndërprerë për disa minuta procesi i rinumërimit.

Ka pasur një moment tensioni mes kandidatit të koalicionit Bashkë Fitojmë, Lefter Maliqi dhe sekretarit të përgjithshëm të KQZ-së. Maliqi i tensionuar i ka thënë Merkajt se po kërkon të pengojë numërimin e drejtë të votave.

“Ti je hajdut, kë provokon ti, hajdutër. Mua më mëson ti, që kam qenë oficer policie 25 vjeç, 7 vite anëtar i Komisionit të Sigurisë, unë jam për të mbrojtur demokracinë këtu“, ka thënë me tone të larta Maliqi.

Unë kam mbështetje të majtë dhe të djathtë. Avokati tha që kryetari i KZAZ nuk është thirrur dëshmitar. Unë e filmova që ta kisha si provë. Është profesioni im”,deklaroi ai.