Lekë nga nxënësit për pemët? Bashkia: Ne ndërtojmë shkolla, drejtorët i ka në varësi ministria

Të shumta kanë qenë reagimet në rrjetet sociale pasi nxënësve në shkollat e Tiranës u janë kërkuar para si kontribut vullnetar për të mbjellë pemë. Mes tyre edhe sociologu Ergys Mertiri qe e drejtoi gishtin tek kryebashkiaku Veliaj. Por, përmes një reagimi në redaksinë e Opinion.al, Bashkia e Tiranës thotë se ajo ndërton shkollat si objekteve ndërsa menaxhimin e burimeve njerëzore e bën Ministria e Arsimit. Kësisoj, bashkia e kryeqytetit e drejtuar nga Erion Veliaj mohon të ketë kërkuar kontribute nga nxënësit për nismën e lancuar prej tij.

“Në Tiranë janë 294 shkolla, me 294 drejtorë që menaxhohen nga Ministria e Arsimit. Bashkia nuk urdhëron drejtorët e mesuesit, por vetem ndërton shkolla”, thuhet në reagim.

Statusi i Ergys Mertirit në facebook

Sot me kane kerkuar para ne shkollen e vajzes se madhe edhe ne kopesht, tek e vogla. Arsyeja eshte, sepse Bashkia e Tiranes ka hapur nje fushate ku i kerkohet te gjithe prinderve te paguajne para per te mbjelle peme!

Natyrisht qe nuk dhashe asnje lek, por mu desh te bej pune bindese me vajzen time, e cila ndjehej ne siklet qe une nuk po paguaja, si shumica e te tjereve.

Me duhet te them se kjo eshte nje risi e nje politike te pacipe qe, pervec se na trazon stomakun cdo dite neper ekrane me spektakel ordiner reklamash qe fyejne inteligjencen e publikut, por kerkon edhe t’ia paguajme propaganden.

Per dijeni te Lali Erit, ne paguajme taksa (te cilat, per me teper, vete Lali i ka rritur sa askush tjeter), me te cilat ai ka per detyre te mbjelle peme, te rregullje rruge, te ndertoje shkolla e kopshte, te menaxhoje hapesiren e territorin, etj, gjera keto qe nuk i ka bere. Lali Erit do ti kerkoja ti perdore me mire parate e taksave te mija, e jo me t’i jap te tjera.

Kjo eshte bashkia me buxhetin me te pasur qe ka ekzistuar ndonjehere ne Shqiperi (si pasoje kjo edhe e ndarjes se re te territorit), ndaj t’iu lypesh qytetareve para per te kryer detyren tende, eshte thjesht pafytyresi.