“Lexoi plagjiaturën e Albin Kurtit”, kreu i PD i përgjigjet Ramës: I dridhej dora në Lezhë, ai duhet…

Kreu i opozitës, Lulzim Basha gjatë fjalës së tij para protestuesve i ka dhënë përgjigje edhe deklaratave të Edi Ramës në qytetin e Lezhës.

Sipas Bashës, Rama në Lezhë lexoi plagjiaturën e Albin Kurtit, ndërkohë që po i dridhej dora.

“Nuk mund të pranojmë dhe nuk do të pranojmë kurrë errësirën e tiranisë së krimit, nuk mund të pranojmë kurrë monizmin, procesin kriminal që po u ofrohet shqiptarëve në vend të zgjedhjeve të lira e të ndershme.

E gjithë beteja jonë bëhet për zgjedhje të lira e të ndershme, e gjithë beteja jonë bëhet për vlera evropiane. Nuk mund të pranojmë Edi Ramën dhe bandën e tij ta mbajnë përherë të mbyllur derën e Evropës, sepse ajo është shpresa jonë, ato janë vlerat tona. Rrugën tonë të Evropës do ta hapim. Rama ik!

Dua ta them fare qartë sot, se koha për lojërat e Edi Ramës po merr fund.

Kufoma politike që I dridhej dora teksa lexonte plagjiaturën e Albin Kurtit në Lezhë, tregon qartë se pushteti I krimit ka vdekur moralisht, por ai duhet kallur dhe politikisht”, tha Basha.