Luiz Ejlli është rrëfyer në lidhje me historinë e dashurisë me Kiara Titon e cila lindi brenda mureve të shtëpisë së Big Brother Vip.
Ai është shprehur në një intervistë me Meriton Mjekiqin se ka luftuar shumë për ta fituar atë vajzë teksa ndodhej brenda shtëpisë së BBV dhe tani qëllimi i tij është të ruajë marrëdhënien që kanë ndërtuar.
Protagonisti kryesor dhe fituesi i BBV 2 Luiz Ejlli në një intervistë të zhvilluar së fundmi, nuk është kursyer duke prekur shumë tema që publiku shpeshherë i ngre dhe është kurioz.
“Kiara nuk është xheloze, por thotë “me mend në kokë”. Ky është si mesazh i koduar (qesh). Nuk ka përse të jetë xheloze. Është normale se në çift ka xhelozi. Unë jam vetë natyrë ngacmuese, e ngacmoj i them u lodha mbrëmë por jo nga koncerti po na erdhën disa balerina. Filloj duke e ngacmuar, por ajo e ka njohur natyrën time dhe për këtë gjë e vlerësoj. Nuk dua të pështyj atje ku kam lëpirë. Kam luftuar shumë për atë vajzë dhe e fitova. Nuk kam përse e çoj dëm gjithë atë kohë, përkushtim dhe vëmendje.”- tha ai për gazetarin Meriton Mjekiqi.
“Në kuadër të dashurisë”, është filmi që Olta Gixhari dhe Luiz Ejlli janë duke xhiruar aktualisht. Dy protagonistët e “Big Brother” kanë bashkuar forcat për një komedi që pritet të transmetohet sezonin e ardhshëm. Së fundmi, është zbuluar se një tjetër personazh i njohur do luajë në film.
“Kryefjala” raporton se Sara Hoxha do të jetë pjesë e filmit. Zërat për pjesëmarrjen e saj kanë qenë të shumta e duket se të vërteta. Partnerja e Ledri Vulës do të ketë një rol të vogël në film dhe gjithashtu pjesëmarrja e saj pritet me shumë interes.
Kujtojmë se Sara arriti të fitonte “Dancing with the Stars” falë mbështetjes së publikut, ndaj edhe fama e saj është e madhe. Sara ka bërë disa prova këtë periudhë, duke përvetësuar kështu profilin e saj si aktore. Ndërkohë që filmi do të përmbajë edhe disa skena romantike, me puthje dhe skena të nxehta midis dy protagonistëve.
Të cilësuar si teza dhe antiteza, dy emrat me të komentuar të “Big Brother VIP”, Luiz Ejlli dhe Olta Gixhari, janë bërë bashkë në një film. Është zbuluar se dy ish-banorët do të jenë protagonistët e filmit, por disa detaje të tjera i kandarë së fundmi moderator i njohur Blendi Salaj, i cili gjatë programit “Wake UP” ka shfaqur një baner të filmit dhe mësohet se produksioni është “Top Channel Films”.
Filmi do të titullohet “Në kuadër të dashurisë”, e cila duket se i referohet frazës së famshme që u përmend aq shumë gjatë BBVIP: “në kuadër të lojës”. Filmi do të jetë në zhanrin e “komedi-romancë”.
“Do të jetë një histori e vërtetë dashurie në kohët moderne që ndërlidh jetën e dy njerëzve, dy familjeve të tyre në një komedi romantike që do t’u bëjë të qeshni, të qani dhe të dilni nga kinemaja të frymëzuar”, thuhet në përshkrimin e filmit.
