Lukaku po dobësohet / Legjenda Ferdinand ia hedh fajin Ibrës

E keni vënë re se Romelu Lukaku nuk është më ai i pari te Manchester United? Kjo është e dukshme dhe ish-mbrojtësi i “Djajve të kuq”, Rio Ferdinand, ka dhënë një shpjegim duke e lidhur me rikthimin e veteranit Zlatan Ibrahimovic.

Belgu dështoi për të gjetur rrugën e rrjetës në fitoren 4-2 ndaj Watford-it dhe kjo krijon lajm kur bëhet fjalë për një lojtar i cili ka shënuar 11 gola në dhjetë ndeshjet e para të sezonit. Ibrahimovic më në fund është rikthyer nga dëmtimi në gju dhe pikërisht kjo duket se po e rëndon ish-lojtarin e Evertonit.

“Ndoshta problemi më i madh i Lukakut është prania e Zlatanit. Në aspektin psikologjik, kur ke një sulmues të madh pas vetes, i cili do të luajë, është një presion që vjen nga brenda dhe nuk përballohet”, – është shprehur Ferdinand.