Lulzim Basha tregon ‘forcën’, del në publik me kupolën drejtuese të PD-së!

Pasi refuzoi kërkesën e Sali Berishës, lideri dekokrat u fotografua  me kupolën drejtuese të PD-së duke  qëndruar disa minuta në kafen jashtë selisë blu, ndërkohë që janë rikthyer sërish brenda ambienteve.

Më herët gjatë deklaratës së tij, Basha tha se beteja e demokratëve është me Edi Ramën.

“Për 8 vite me radhë Edi Rama më ka akuzuar për kukull të Sali Berishës. Dje, Sali Berisha më ka akuzuar për peng  të Edi Ramës. E para është gënjeshtër, e dyta nuk do të ndodhë kurrë. Të dyja janë dy anë të të njëjtës medalje…

Sa u përket pretendimeve për referendume dhe kuvende, kuvend të Partisë Demokratike për të marrë në shqyrtim vendimet e qeverisë amerikane nuk ka për të patur. Objektivat tona janë përballja me Edi Ramën dhe regjimin e tij dhe e gjithë energjia jonë është e fokusuar këtu. Nuk ka për të pasur kuvend të Partisë Demokratike që shqyrton vendimet e qeverisë Amerikane”, tha Basha.