Lushnje/ Arrestohen 4 autorët që kuktivuan kanabis në pronë publike

Katër persona kanë rënë në prangat e policisë pasi akuzohen se kanë kultivuar bimë narkotike në pronë publike.

Falë operacionit policor të koduar “Lidhja” u kapën dhe u arrestuan shtetasit F. Gj., 24 vjeç, E. GJ., 31 vjeç, H. Gj., 61 vjeç dhe M. Gj., 34 vjeç, të katërt banues në fshatin Biçakaj, Lushnjë (të afërm të njëri-tjetrit, ndërsa shtetasit H. Gj. dhe M. Gj., babë e bir).

Në kuadër të këtij operacioni, gjatë kontrolleve në territorin e fshatit Murrizë, Lushnjë, në një pronë publike, u gjetën të kultivuara 87 bimë narkotike cannabis sativa, të cilat në përfundim të veprimeve procedurale, u asgjësuan nëpërmjet djegies.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme