Maskat grabisin me dhunë në Lazarat

Grabitësit goditën me mjete të forta 53-vjeçarin Adriatik B., dhe 42-vjeçarin A. M., duke i marrë 580 mijë lekë të vjetra dhe dy celularë ‘iPhone 5S’ dhe ‘Samsung’.

Pas marrjes së denoncimit “blutë” e Gjirokastrës janë duke hetuar për të identifikuar dhe arrestuar autorët.

Komisariati i Policisë Gjirokastër

Informacioni paraprak

Më datë 12. 08. 2018, shtetasit A. B., dhe A. M., vjeç 53 e 42, banues në fshatin Lazarat dhe Gjirokastër, kallëzojnë se rreth orës 22:00, në “Parkun e Viroit”, dy persona të paidentifikuar iu kanë marrë me dhunë një sasi lekësh dhe dy telefona celularë. Punohet për identifikimin dhe kapjen e autorëve. Neni 139 e 25 i Kodit Penal. 

Informacioni detajuar

Dy persona të maskuar kanë grabitur punonjësit e një lokali në Gjirokastër.

Ngjarja ka ndodhur më 11 Gusht, ndërsa denoncimi në polici është bërë më 12 Gusht. Sipas tyre, në orën 22:00 në parkun e Viroit, dy persona të maskuar u shfaqën pas tyre në momentin që po mbyllnin lokalin.

Sapo hipën në makinë, autorët goditën me mjete të forta 53-vjeçarin Adriatik B., duke i marrë 580 mijë Lekë të vjetra dhe dy celularë ‘iPhone 5S’ dhe ‘Samsung’.

Uniformat blu në Gjirokastër janë duke hetuar për të identifikuar dhe arrestuar autorët.