Forca të shumta të policisë “blinduan” ditën e djeshme Elbasanin, duke ngritur postblloqe në disa pika kryesore.
Por duket se këto pika kontrolli, që u ngritën pas vrasjes së vëllait të Talo Çelës, nuk kanë rezultuar efektive, pasi një makinë luksoze arriti t’i shpëtonte postbllokut. E megjithëse disa makina policie e ndoqën për disa çaste, dy personat që ndodheshin brenda arritën të shpëtonin duke braktisur makinën në lumin Shkumbin.
Policia mundi të sekuestrojë makinën “Porsche Cayenne”, e ndërsa mori në pyetje edhe pronarin, ky i fundit dha një përgjigje të çuditshme.
Pronari i makinës tha policisë se nuk e kishte idenë kush ishin personat, pasi makinën ua kishte dhënë me qira por pa bërë kontratë.
