Makina në Vlorë bëhet shoshë me plumba, dyshohet për të plagosur

Sërish terror në Vlorë, qyteti i cili duket se nuk po gjen qetësi nga krimet e shumta. Këtë të dielë një makinë në aksin Vlorë- Fier- Novoselë është qëlluar me breshëri automatiku.

Deri më tani mësohet se makina ka marrë dhjetëra plumba dhe se dyshohet për të plagosur. Nga të dhënat e para mësohet se kemi të bëjmë me një atentat të mirëfilltë.

Të shtënat me armë në Vlorë vijën vetëm dy ditë pas atentatit në Lungomare ndaj Inez Harullës

Si pasojë e të shtënave me armë raportohet se një person është plagosur.

I plagosuri është me iniciale R.A dhe ndodhet në spital jashtë rrezikut për jetën.

Nuk dihen ende rrethanat e ngjarjes. Ndërsa policia ka shkuar në vendin ngjarje, ka rrethuar zonën dhe po punon për zbardhjen e ngjarjes.