Makina përplas këmbësoren në qendër të qytetit

Një aksident me pasojë plagosjen e një këmbësoreje është shënuar në orët e pasdites në kryqëzimin Dinamo në Elbasan.

Nga të dhënat e para mësohet se një 23 vjeçar me iniciale G.Gj, teksa drejtonte veturën e tij tip Citroen me targë AA 775 MS, ka përplasur këmbësoren R.H, 65 vjeçe banuese në Elbasan.

Mësohet se e moshuara është dërguar menjëherë në spitalin Kirurgjik për ndihmën e parë mjekësore dhe ndodhet jashtë rrezikut për jetën, ndërsa policia ndodhet në vendngjarje dhe po heton për zbardhjen e plotë të aksidentit.