Makina shkatërrohet në Tiranë-Elbasan, plagoset shoferi

Nga pamjet e siguruara shohet se një automjet është përplasur keq me pjesën e malit, duke dalë nga rruga.

Makina ka marrë dëmtime të shumta dhe dallohet qartë se një pjesë e llamarinës së saj dhe xhamat janë shkatërruar.

Deri në këto momente nuk dihet me saktësi nëse ka persona të plagosur apo jo, por ambulanca në vendngjarje është parë duke transportuar një person për në spital.

Gjithçka ka ndodhur në aksin Tiranë-Elbasan, pa mbërritur në tunelin ndërtuar sëfundmi.

16:19 – Policia: Mjeti ka dalë nga rruga

I kontaktuar nga JOQ.al, zëdhënësi i policisë, Gent Mullai, bëri me dije se shkak i aksidentit, paraprakisht dyshohet të jetë bërë humbja e kontrollit të drejtimit të automjetit nga shoferi, ç’ka ka sjellë daljen e mjetit nga rruga.

I dëmtuar lehtë dhe jo në gjendje kritike për jetën është drejtuesi i automjetit.