Manastirliu: Javën tjetër nis testi i ri për antitrupa, do tetojmë mjekët, policët dhe personat me imunitet të dobët

Në një intervistë për Eni Vasilin, Manastirliu tha se testet janë blerë dhe javën tjetër do të nis testimi i grupeve të riskut, për të evidentuar personat me imunitet të dobët.

“Nga java tjetër do nisim një testim te mjekët për antitrupa. Një testim i ri serologjik. Do shohim kush ka imunitet më të dobët. Ky testim do shtrihet dhe te grupet e tjera të riskuara, përveç mjekëve dhe te policiët dhe personat që janë infektuar.

Testet janë blerë, struktuar është e ngritur dhe ISHP është duke punuar me QSUT për të elaboruar këtë studim për grupet e riskut. Javën tjetër pritet të nis dhe do ju informojmë për rezultatet”, u shpreh ministrja e Shëndetësisë Ogerta Manastirliu.

Më tej, ministrja tha se në Shqipëri fatmirësisht nuk ka humbje jete për shkak të covid-19 në radhët e mjekëve. Manastirliu foli dhe për mjekun Roland Xhaxho, për të cilin tha gëzon shëndet të mirë dhe është duke u rikuperuar.

“Profesor Roland Xhaxho gëxon shëndet të mirë dhe është duke u rikuperuar. Ne jemi të bindur se nuk do kemi humbje jete në radhët e mjekëve. Ne jemi përpjekur maksimalisht të mbrojmë mjekët me mjete mbrojteëse”, përmbylli ajo.