Manastirliu thirrje Bashës: Mos i faturo njerëzve koston e papërballueshme të luftës për pushtet

Pas kryeministrit Rama edhe ministrja e Shëndetësisë, Ogerta Manastirliu ka reaguar për takimin e kreut të opozitës, Lulzim Basha në Durrës.

Ministrja e Shëndetësisë e thekson se ndihet e tmerruar nga grumbullimi i realizuar gjatë takimit të Bashës në zonën e Kënetës në Durrës, teksa e cilëson atë si “shfaqjeje ekstreme papërgjegjshmërie”. “Si ministre e Shëndetësisë dhe Mbrojtjes Sociale jam e tmerruar nga kjo shfaqje ekstreme papërgjegjshmërie, në kushtet e hapjes, kur më shumë se kurrë njerëzit duhet të respektojnë rregullat e mbrojtjes nga COVID-19, sepse ekspozimi është i madh!

Si mund të jepet kjo shfaqje dhe cili lider në botën e sotme jep këtë shembull thjesht për interesin e vet politik?! Zoti Basha mund t’i thotë të tëra ato që ka për të thënë, pa vënë në rrezik shëndetin e njerëzve në këtë formë ekstreme papërgjegjshmërie. Numrat e rritur janë efekt i parashikuar i hapjes. Por kjo ngjeshje njerëzish për qëllimet e një njeriu mund t’i rrisë numrat përtej parashikimeve më negative dhe kostoja mund të bëhet marramendëse! U bëj thirrje qytetarëve të mos bien pre e kësaj papërgjegjshmërie të pajustifikueshme dhe zotit Bas

ha të mos i faturojë njerëzve e vendit, koston e papërballueshme të luftës së tij të dëshpëruar për pushtet!”, thekson Manastirliu.