Manjani: PARADOKSI,qeveria ndalon qarkullimin e makinave private e publike, por LEJON dhënien e tyre me qera
Ish-ministri Ylli Manjani ka publikuar një vendim të qeverisë ku vihet re, se një nga aktivitetet që lejohet të vazhdojë funksionin e tij, është marrja dhe dhënia me qira (shtëpi, dyqane, automjete).
Ndërkohë, si pasojë e masave të marra nga koronavirusi, qeveria ka ndaluar lëvizjen e mjeteve private dhe publike. Sipas Manjanit ky është një paradoks, por ndërkohë ai e vë gishtin te qeveria.
Manjani thotë se kjo bëhet në mënyrë që aktiviteti i makinave me qira, të mos kërkojë asistëncë financiare, pasi është lejuar të punojë, por nga ana tjetër punë nuk ka, pasi lëvizja e mjeteve është e kufizuar.
Statusi i plotë i Manjanit
Ja një paradoks.
Dhënia me qera është aktivitet që u lejoka. Të japësh shtëpinë apo dyqanin me qera nuk ka ndonjë lidhje me masat ndaj virusit.
Por ajo që ka lidhje është dhënia me qera e makinave.
Pra në kushtet kur shteti ndalon përdorimin e makinave private e publike, lejon trafikun e makinave me qera!!!!
Seriozisht e kanë këtë budallëk?
Ndërkohë pisllëku vijon me pronarët e këtyre bizneseve, të cilën nuk kanë gojë të kërkojnë asistencë financiare, nëse ndonjëherë do jepet diçka. Se ju thonë, “ne ju lejuam. Vetë e keni fajin që nuk punuat”!!!
Ja një pasojë tjetër e faktit që qeveria nuk ekziston! Vetëm fantazia dhe improvizimi i BOSIT….
Keni një histori? Denonco anonimisht, identiteti juaj mbrohet.
Denonco
