Mark Marku jep dorëheqjen nga mandati i deputetit

Një lajm shumë i papritur u publikua mëngjesin e sotëm në printin e ‘Panorama’.

Mark Marku nuk do të jetë pjesë e Kuvendit të ri, duke hequr dorë nga mandati i deputetit që e fitoi në qarkun e Lezhës.

Këtë e ka bërë të ditur vetë ai përmes një editorial për gazetën Panorama, aty ku ka listuar dhe arsyet se përse ka marrë një vendim të tillë.

Në një editorial të shkruar nga vetë ai, thuhet se Basha është kryetar i partisë së Berishës.

Sipas Markut, PD është një parti që po mbron interesat personale të dy liderëve të vet, Berishës dhe Bashës dhe të një grupi shumë të ngushtë të partisë.

Sipas Kodit të ri zgjedhor, mësohet se vendin e Mark Markut në Kuvend do ta zërë kandidatja Elda Hoti, e cila ka qenë pjesë edhe e opozitës së re.

Atëherë ishte nga listat e LSI, ndërsa sot vjen nga lista e koalicionit të PD (kandidate e Partisë Republikane).

Kujtojmë se Marku është një nga kritikët e kreut të PD, Lulzim Basha lidhur me strategjitë e përdorura.